Je chante par couverture,
mais meiulx pourassent mi oeil,
ne nul ne scet le traveil
que mon pouvre cuer endure,
je chante par couverture.

Je chante par couverture.

Pour ce muce ma doulour
qu'en nul je ne voy pitié,
plus a l'en cause de plour
mains treuve l'en d'amistié,
je chante par couvrture.

Je chante par couverture.

Petit porte de valour
de soy monstrer dehaitié,
ne le tiennent qu'a folour
ceulz qui ont le cuer haitié,
je chante par couverture.

Je chante par couverture.